Milli çempionatlara daha bir nəzər
Novator.az bir daha Avropanın milli futbol çempionatlarının gedişinə nəzər salıb. İngiltərədə 24 turdan sonra “Mançester Siti”nin vahid liderliyi davam edir: 65 xal.
“Mançester Yunayted” 53 xalla ikinci, “Çelsi” 50 xalla üçüncü pillədə dayanır.
Fransada 22 turda 56 xal yığan PSJ öndədir.
“Lion” 48, “Marsel” 47, “Monako” 46 xal toplayıb.
20 turu geridə qalan İspaniya çempionatında “Barselona” 54 xalla zirvədə qərar tutub.
“Atletiko”nun 43, “Valensiya”nın 40 xalı var.
Almaniya çempionatında liderlik kürsüsündə “Bavariya” əyləşib. 19 turda 47 xal toplayan Münhen təmsilçisini 31 xallı dörd klub izləyir: “Bayer”, “Şalke”, “Leypsiq”, “Borussiya” (Mönhenqladbah).
21 turdan sonra İtaliya çempionatında “Napoli” 54 xalla irəli çıxıb.
Hollandiyada PSV, Portuqaliyada “Portu”, Türkiyədə “Başakşəhər” liderlik edir.
