DTX-nın yeni əməliyyatı
Dövlət Təhlükəsizliyi Xidmətinin ictimai əlaqələr şöbəsi bildirir ki, 2018-ci il yanvarın 15-18-də keçirilmiş kompleks əməliyyat-istintaq tədbirləri nəticəsində “qara bazar” adlandırılan alternativ valyuta dövriyyəsi iştirakçılarından ibarət cinayətkar şəbəkə ifşa edilib: “Müəyyən edilib ki, qeyd olunan şəxslər 2017-ci ildə hissə-hissə ümumilikdə 80 milyon 731 min 282 ABŞ dolları, 5 milyard 270 milyon 227 min 972 Rusiya rublu, 248 min 915 avro məbləğində xarici valyutanı nağd formada qaçaq yolla ölkədən çıxarıb.
Cinayət Məcəlləsinin 206.3.1-ci, 206.3.2-ci, 192.2-ci və digər maddələri ilə istintaqı aparılan cinayət işi üzrə Azərbaycan vətəndaşları Məmmədov Aqil Kamandar oğlu, Mustafayev Mustafa Abuzər oğlu və Babayev Vüqar Ədalət oğlu, habelə Gürcüstan vətəndaşı İzmailov Mamed Həşim oğlu və qeyd olunan silsilə cinayət əməllərinin digər iştirakçıları saxlanaraq cinayət məsuliyyətinə cəlb ediliblər”.
