AŞPA-da yeni prezident
İtaliyalı deputat Mikele Nikoletti Avropa Şurası Parlament Assambleyasının (AŞPA) prezidenti vəzifəsinə təsdiq edilib.
Mikele Nikoletti yeganə namizəd olub, AŞPA-nın yanvarın 22-si Strasburqda keçirilən qış sessiyasının ilk günündə prezident vəzifəsinə təsdiqlənib.
Novator.az bildirir ki, Mikele Nikoletti 1956-cı ildə İtaliyanın Trento şəhərində anadan olub. Filosofdur. İtaliya Demokrat Partiyasının üzvüdür. 2014-cü ildən İtaliyanın AŞPA-da nümayəndə heyətinin, 2016-cı ildən AŞPA-dakı sosial demokrat və yaşıllar qrupunun rəhbəridir.
AŞPA-nın əvvəlki prezidenti Pedro Aqramunt olub. O, 2017-ci il oktyabrın 6-da istefa verib. Həmin il oktyabrın 10-da Kiprin AŞPA-da nümayəndə heyətinin rəhbəri Stella Kiriakides assambleyaya müvəqqəti prezident seçilib.
