Bələdiyyə torpaqları ilə bağlı yenilik qüvvəyə mindi
“Bələdiyyə torpaqlarının idarə edilməsi haqqında” və “Bələdiyyələrin statusu haqqında” qanunlarda dəyişikliklər prezident İlham Əliyevin imzası ilə qüvvəyə minib. Novator.az bildirir ki, “Bələdiyyə torpaqlarının idarə edilməsi haqqında” qanunda dəyişikliyə əsasən, qəbiristanlıqların yerləşdiyi bələdiyyə torpaqları xüsusi mülkiyyətə verilməyəcək.
“Bələdiyyələrin statusu haqqında” qanunda yeniliyə görə, yerli sosial müdafiə və sosial inkişaf proqramlarında mütəmadi olaraq mövcud qəbiristanlıqların qorunması, saxlanılması, idarə olunması, abadlaşdırılması, köçürülməsi, yeni qəbiristanlıq sahələrinin ayrılması, yas mərasimlərinin keçirilməsi üçün nəzərdə tutulmuş tikililərin təmiri və yenilərinin inşası, mərasim və dəfn xidmətlərinin, o cümlədən bələdiyyənin ərazisində yaşayan əhalinin aztəminatlı təbəqəsindən olan mərhumların dəfn və yas mərasimlərinin təşkilinə yardım göstərilməsi nəzərdə tutulmalıdır.
Qəbiristanlıqların salınması və idarə olunması Nazirlər Kabinetinin müəyyən etdiyi qaydalara uyğun həyata keçiriləcək.
