İşsizlik müavinətinin orta məbləği açıqlanıb
Dövlət Statistika Komitəsi məşğulluq və işsizlik hesabatı yayıb. Novator.az-ın məlumatına görə, hesabatda bildirilir ki, 2018-ci il yanvarın 1-nə iqtisadi fəal əhalinin sayı 5 milyon 73,8 min nəfər olub, onların 4 milyon 822,1 min nəfərini məşğul əhali təşkil edib.
2017-ci il dekabrın 1-nə muzdla işləyənlərin sayı 1 milyon 521,2 min nəfər göstərilir, iqtisadiyyatın dövlət sektorunda 881,1 min nəfərin, qeyri-dövlət sektorunda 640,1 min nəfərin çalışdığı bildirilir. İqtisadiyyatın neft sektorunda 34 min nəfər, qeyri-neft sektorunda isə 1 milyon 487,2 min nəfər işləyib.
2018-ci il yanvarın 1-nə məşğulluq xidməti orqanlarının ölkə üzrə rəsmi işsiz statusu verdiyi şəxslərin sayı 38,5 min nəfər olub. İşsizlik müavinətinin orta məbləği 291,2 manatdır.
