İsa Qəmbər müalicəsini evdə davam etdirir
Milli Strateji Düşüncə Mərkəzinin sədri İsa Qəmbər yanvarın 18-də Bakıdakı Mərkəzi Klinik Xəstəxanadan evə buraxılıb.
İsa Qəmbər yanvarın 13-dən Mərkəzi Klinik Xəstəxanada müalicə olunurdu. Yanvarın 16-dək reanimasiya şöbəsində, həmin gündən isə palatada onun ürək-damar sisteminin fəaliyyətini gücləndirmək istiqamətində tibbi prosedurlar aparılıb.
Xanımı Aida Qəmbər Novator.az-a deyib ki, İsa Qəmbərin müalicəsi evdə davam edir.
60 yaşlı İsa Qəmbər Azərbaycan Xalq Cəbhəsinin qurucularından, milli azadlıq hərəkatının liderlərindən biridir. 1992-1993-cü illərdə Milli Məclisin sədri olub, 1992-ci il mayın 18-dən iyunun 17-dək prezident səlahiyyətlərini icra edib.
1992-2014-cü illərdə Müsavat Partiyasının başqanı postunu tutmuş İsa Qəmbər bu təşkilatın prezidentliyə namizədidir, Milli Strateji Düşüncə Mərkəzinə sədrlik edir.
