1928 nəfərin 711-i iş alıb
2017-ci ildə Göyçay Rayon Məşğulluq Mərkəzinə 1928 nəfər işaxtaran vətəndaş müraciət edib. Mərkəzdən AZƏRTAC-a bildiriblər ki, müraciət edənlərin 711 nəfəri öz peşəsinə uyğun işlə təmin olunub. Onların 291 nəfəri gənc, 222 nəfəri qadındır.
Vətəndaşlar əsasən istehsal müəssisələri, tikinti, təbii qaz və içməli su təchizatı, səhiyyə və sosial xidmətlər, turizm və kommunal xidmət sahələrində, mağaza və restoranlarda, abadlaşdırma, binaların təmiri və kommunal təsərrüfat sahələrində iş alıb.
116 nəfərə işsizlik statusu verilib və müavinət ödənib, 379 nəfər peşə hazırlığı kurslarına cəlb olunub.
