Azərbaycan dünyanın azadlıq xəritəsində
Mərkəzi qərargahı ABŞ-da olan “Freedom House” beynəlxalq insan haqları təşkilatı “Dünyada azadlıq” hesabatı yayıb. Novator.az-ın məlumatına görə, hesabata daxil edilmiş ölkələrin 45%-i azad, 30%-i qismən azad, 25%-i azad olmayan ölkə kimi göstərilir. Hesabata əsasən, dünya əhalisinin 39%-i azad ölkədə, 37%-i azad olmayan ölkədə, 24%-i qismən azad ölkədə yaşayır.
Azərbaycan azad olmayan ölkə kimi qeyd olunur. Ermənistanın işğalı altında olan Azərbaycan əraziləri isə hesabatda Dağlıq Qarabağ adı altında qismən azad region kimi yer alır.
Keçmiş SSRİ məkanından Rusiya, Belarus, Qazaxıstan, Özbəkistan, Türkmənistan, Tacikistan, qonşulardan Türkiyə, İran azad olmayan ölkə sayılır.
Moldova, Ukrayna, Ermənistan, Gürcüstan, Qırğızıstan qismən azad ölkələr kateqoriyasına daxil olub.
Estoniya, Latviya və Litva azad ölkələr sırasındadır.
Asiyadan Yaponiya, Cənubi Koreya, Hindistan, Monqolustan azad ölkələr siyahısındadır.
Avropada Bosniya və Herseqovina, Albaniya, Monteneqro, Makedoniya qismən azad ölkələrdir.
Amerika regionunda Meksika, Kolumbiya, Boliviya, Paraqvay və daha bir neçə ölkə qismən azad, Kuba azad olmayan ölkələr siyahısında gəlir.
Afrikada Tunis, Seneqal, Qana, Cənubi Afrika Respublikası və daha bir neçə ölkə azad ölkələr sırasında qeyd olunur.
