İxracın 88 faizindən çoxu neft və qazdır
2017-ci ildə Azərbaycanın ixracının 88,62 faizi neft-qaz sektoruna aid olub. Novator.az bildirir ki, ötən il ixracın 77,52 faizini xam neft, 2,46 faizini neft məhsulları, 8,64 faizini təbii qaz təşkil edib.
Dövlət Gömrük Komitəsinin hesabatına görə, illik ixracın 3,64 faizi meyvə-tərəvəzdir.
İdxalın 21,26 faizinin maşın, mexanizm, elektrik aparatları, avadanlıqlar və onların hissələri olduğu bildirilir.
Yeyinti məhsulları ümumi həcmin 15,59 faizini təşkil edib.
Ümumi idxalın 12,28 faizi nəqliyyat vasitələri və onların hissələri, 10,9 faizi qara metallar və onlardan hazırlanan məmulatlar, 3,62 faizi plastmassa və ondan hazırlanan məmulatlar, 2,84 faizi əczaçılıq məhsulları, 2,42 faizi oduncaq və ondan hazırlanan məmulatlar, 1,9 faizi tütün və tütün məmulatlarıdır.
