Xarici ticarət statistikası
2017-ci ilin yanvar-noyabr aylarında Azərbaycan dünyanın 183 ölkəsi ilə ticarət əməliyyatları həyata keçirib. Novator.az-ın məlumatına görə, Dövlət Statistika Komitəsi bildirir ki, hüquqi və fiziki şəxslər 114 ölkəyə məhsul ixrac edib, 176 ölkədən məhsul alıb.
Ötən ilin 11 ayında xarici ticarət dövriyyəsi 21 milyard 809,4 milyon ABŞ dolları, o cümlədən ixracın dəyəri 14 milyard 18,7 milyon dollar, idxalın dəyəri 7 milyard 790,7 milyon dollar təşkil edib, nəticədə 6 milyard 228 milyon dollarlıq müsbət ticarət saldosu yaranıb. 2016-cı ilin yanvar-noyabr ayları ilə müqayisədə xarici ticarət dövriyyəsi faktiki qiymətlərlə 11,6 faiz artıb, real ifadədə isə 10,9 faiz, o cümlədən ixrac 6,5 faiz, idxal 17,6 faiz azalıb.
2017-ci ilin yanvar-noyabr aylarında 1 milyard 386,7 milyon dollar dəyərində qeyri-neft məhsulları ixrac edilib, bu da 2016-cı ilin yanvar-noyabr aylarına nisbətən faktiki qiymətlərlə 24,1 faiz, real ifadədə isə 21,8 faiz çoxdur.
