Sosial xidmət hesabatı
Əmək və Əhalinin Sosial Müdafiəsi Nazirliyi bildirir ki, ötən il Dövlət Sosial Müdafiə Fondunun sosial xidmət müəssisələrində 1080 nəfər şəxs stasionar şəraitdə sosial xidmətlərlə təmin edilib. Onların 330 nəfəri sağlamlıq imkanları məhdud uşaqlar, qalanları 18 yaşdan yuxarı şəxslərdir.
Ötən il evlərində tək yaşayan 11 min nəfər ahıl və əlil səyyar formada sosial-məişət xidmətləri alıb. Onların 8700 nəfəri yaşı 70-dən yuxarı olan tənha ahıl insanlar, qalanları əlilliyi olan şəxslərdir. Sosial işçilər tənha ahıl və əlil şəxslərin evlərində olaraq onlara təmizlik işlərinin aparılması, zəruri ərzaq, sənaye və məişət əşyalarının alınması və s. işlərdə köməklik göstəriblər.
2017-ci ildə Əmək və Əhalinin Sosial Müdafiəsi Nazirliyinin sosial sifarişləri əsasında qeyri-hökumət təşkilatlarının icra etdiyi layihələr üzrə 4100 nəfər uşaq reabilitasiya yönümlü sosial xidmətlərə cəlb olunub.
