Qiymət 72 dollara çatır
Azərbaycan neftinin qiyməti yenə qalxıb. Yanvarın 12-də AZƏRTAC-ın yaydığı məlumata görə, “AzəriLayt” markalı neftin bir barreli 0,59 dollar bahalaşaraq 71,84 dollar olub.
London birjasında “Brent” markalı neftin bir barreli 69,14 dollara, Nyu-York birjasında “Layt” markalı neftin bir barreli 63,50 dollara təklif edilir.
Azərbaycanın 2018-ci il büdcəsində neftin qiyməti 45 dollar hesablanıb.
“AzəriLayt”ın bir barreli 2014-cü il dekabrın 5-də 70,60 dollara satılıb. Həmin gündən sonra ucuzlaşmağa başlayan Azərbaycan neftinin qiyməti 2015-ci ildə 38-70 dollar, 2016-cı ildə 28-57 dollar arasında yenilənib. 2017-ci ilin əvvəlində 57 dollara satılan “AzəriLayt”ın bir barreli ilin ortalarında 46 dollara geriləyib, dekabrda 69 dollaradək bahalaşıb.
