Ötən il ərzaq 16 faizdən çox bahalaşıb
Dövlət Statistika Komitəsi illik inflyasiya göstəricisini açıqlayıb. Novator.az-ın məlumatına görə, hesabatda bildirilir ki, 2017-ci ildə istehlak məhsullarının və xidmətlərin qiymətləri 2016-cı ilə nisbətən 12,9 faiz, o cümlədən ərzaq məhsullarının qiymətləri 16,4 faiz, qeyri-ərzaq mallarının qiymətləri 11,6 faiz, əhaliyə göstərilən ödənişli xidmətlərin qiymətləri 9,3 faiz artıb.
Ötən ilin dekabr ayında istehlak məhsulları və xidmətləri noyabr ayına nisbətən 0,5 faiz, o cümlədən ərzaq məhsulları 1 faiz, qeyri-ərzaq malları 0,2 faiz bahalaşıb, əhaliyə göstərilən ödənişli xidmətlərin qiymətləri isə sabit qalıb.
