Kommunistlərin prezidentliyə namizədi qeydə alındı
Rusiya Mərkəzi Seçki Komissiyası yanvarın 12-də Pavel Qrudinini prezidentliyə namizəd kimi qeydə alıb. Novator.az-ın məlumatına görə, sovxoz direktoru olan bitərəf Pavel Qrudinin Rusiya Kommunist Partiyasının namizədidir.
Prezident seçkisi martın 18-də keçiriləcək. Qeydiyyat üçün müstəqil namizəd 300 min imza, partiya namizədi 100 min imza toplamalıdır. Parlament partiyasının namizədi imza yığmaqdan azaddır. Rusiya Kommunist Partiyası parlamentdə təmsil olunduğu üçün Pavel Qrudinin imzasız qeydə alınıb.
Parlament partiyası olan Liberal Demokrat Partiyasının namizədi, Dövlət Dumasının sədr müavini Vladimir Jirinovski daha əvvəl qeydiyyatdan keçib.
Marafona qatılan namizədlərin sənədləri Mərkəzi Seçki Komissiyasına təqdim etmək müddəti yanvarın 31-dək çəkir. Mərkəzi Seçki Komissiyası qeydiyyat məsələlərini fevralın 10-dək bitirməlidir.
Seçki təşviqatı 2018-ci il fevralın 17-dən martın 16-dək davam edir.
Rusiyada prezident 6 il müddətinə seçilir.
Prezident Vladimir Putin seçkiyə müstəqil namizəd kimi qatılıb.
