Hansı valyutalar bahalaşıb?
Yanvarın 12-də bir çox valyuta bahalaşıb. Novator.az-ın məlumatına görə, avro 2,0492, gürcü larisi 0,6628, ingilis funt sterlinqi 2,3036, İsveçrə frankı 1,7422, Rusiya rublu 0,0301, türk lirəsi 0,4503 manata yüksəlib.
ABŞ dollarının rəsmi kursu isə (Məzənnələr) yenə 1,7001 manatdır. 2017-ci il dekabrın 13-dən dəyişməz qalan bu qiymət manatın devalvasiyaya uğradığı 21 fevral 2015-ci ildən bəri ən davamlı rəsmi məzənnədir.
2015-ci il fevralın 21-də dolların rəsmi kursu 0,7862 manatdan 1,05 manata yüksəlib, dekabrın 21-də ikinci devalvasiya baş verib, rəsmi kurs 1,55 manat olub. 2016-cı il 1,5610 manatla, 2017-ci il 1,7707 manatla başlayıb (İlk devalvasiyadan sonrakı bütün rəsmi kurslar).
