Çempionlar Liqası və Avropa Liqasının yeni təqvimi
UEFA Çempionlar Liqası və Avropa Liqasında 2018-2019 mövsümünün təqvimi məlum olub.
Novator.az bildirir ki, yeni formata əsasən, Çempionlar Liqasının qrupuna birbaşa çıxan komandaların sayı 22-dən 26-ya artırılır. Qrupa digər 6 vəsiqənin taleyinə seçmə raundlarda aydınlıq gələcək. 4 vəsiqə çempionlar üçün nəzərdə tutulub. Bu istiqamətdə təsnifat mərhələlərinin sayı 4-dən 5-ə artıb. Cəbəllütariq, Andorra, San Marino və Kosovo çempionları mübarizəyə ilkin təsnifatdan (yarımfinal və final matçları) start verəcək.
Azərbaycan daxil olmaqla 33 UEFA üzvü turnirə 1-ci mərhələdən başlayır. Bundan sonra 2-ci, 3-cü və 4-cü mərhələni keçib qrupa düşmək olar.
Çempion olmayan komandalar qrupadək üç ələmə mərhələsindən keçəcək. Onlara 2 vəsiqə ayrılıb.
Çempionlar Liqasının istənilən seçmə mərhələsindən ələnən komandalar Avropa Liqasına vəsiqə alacaq. Onlar Avropa Liqasında qrupa düşmək üçün bir-birləri ilə oynayacaq. Bu istiqamət üzrə üç ələmə mərhələsi olacaq. Sırf Avropa Liqasının komandaları isə qrupa düşmək üçün beş mərhələdə yarışacaq. Bu turnirə də ilkin təsnifat raundu əlavə olunub.
Novator.az-ın məlumatına görə, Çempionlar Liqasında ilkin təsnifat mərhələsinin yarımfinal görüşləri 2018-ci il iyunun 26-da, final oyunu iyunun 29-da keçiriləcək.
1-ci mərhələnin oyunları 10-18 iyul arası, 2-ci mərhələnin oyunları 24 iyul-1 avqust arası, 3-cü mərhələnin oyunları 7-15 avqust arası, 4-cü mərhələnin oyunları 21-29 avqust arası keçiriləcək.
Qrup mərhələsi sentyabrın 18-dən dekabrın 12-dək davam edəcək.
1/8 final 2019-cu il fevralın 12-dən martın 13-dək çəkəcək. 1/4 final 9-17 aprel arası, yarımfinal 30 aprel-8 may arası olacaq.
Final matçı iyunun 1-i Madriddə keçiriləcək.
Avropa Liqasının ilkin təsnifat mərhələsi 2018-ci il iyunun 28-də başlayır, iyulun 5-də bitir.
1-ci mərhələ 12-19 iyul arası, 2-ci mərhələ 26 iyul-2 avqust arası, 3-cü mərhələ 9-16 avqust arası, 4-cü mərhələ 23-30 avqust arası keçiriləcək.
Qrup mərhələsi sentyabrın 20-dən dekabrın 13-dək davam edəcək.
1/16 final 2019-cu il fevralın 14-dən 21-dək çəkəcək. 1/8 final 7-14 mart, 1/4 final 11-18 aprel, yarımfinal 2-9 may arası olacaq.
Final oyunu mayın 29-u Bakı Olimpiya Stadionunda keçiriləcək.
