Rubl yuxarı istiqamət alıb
Mərkəzi Bank yanvarın 10-da ABŞ dollarının kursunu 1,7001 manat səviyyəsində saxlayıb. Bu qiymət 2017-ci il dekabrın 13-dən qüvvədədir və manatın devalvasiyaya uğradığı 21 fevral 2015-ci ildən bəri ən davamlı rəsmi məzənnədir.
Novator.az-ın məlumatına görə, gürcü larisinin rəsmi qiymətində də yenilik yoxdur: 0,6577 manat.
Ucuzlaşan avro banklara 2,0293 manata, türk lirəsi 0,4512 manata təklif olunur.
Rusiya rublu isə bahalaşaraq 0,0299 manata yüksəlib.
2015-ci il fevralın 20-də dollar banklara 0,7862 manata satılıb. Bir gün sonra Mərkəzi Bank kəskin kurs dəyişikliyinə qərar verib və rəsmi qiymət 1,05 manata yüksəlib. Dekabrın 21-də ikinci devalvasiya baş verib, rəsmi kurs 1,55 manata qalxıb.
2016-cı il 1,5610 manatla başlayıb, 1,7707 manatla sona çatıb. 2017-ci ildə dollar 7,06 qəpik ucuzlaşıb. İl ərzində ən aşağı qiymət 6-13 dekabr arası qeydə alınıb: 1,7 manat. Ən yuxarı rəsmi qiymət fevralda olub: 1,92 manat. Bu həm də ilk devalvasiyadan bəri qeydə alınan ən yüksək göstəricidir (İlk devalvasiyadan sonrakı bütün rəsmi kurslar).
