Əfqanıstandakı Azərbaycan Ordusu: tərkib nə qədər artdı?
Azərbaycan Ordusunun 70 sülhməramlısı yanvarın 9-da NATO missiyasının tərkibində fəaliyyət göstərmək məqsədilə Əfqanıstana yola salınıb. Xəbəri yayan Mod.gov.az bildirir ki, 2018-ci ildən missiyanın müxtəlif qərargahlarında 6 Azərbaycan zabiti, eləcə də 2 hərbi həkim olmaqla sülhməramlıların sayı 94-dən 120 nəfərədək artırılıb.
Bir müddət əvvəl NATO üzv və tərəfdaş ölkələri Əfqanıstanda həyata keçirilən missiyada qüvvələrin sayının artırılmasına çağırıb. Azərbaycan Respublikası bu çağırışa əsaslanaraq sülhməramlı kontingentin sayını artırılması ilə bağlı qərar qəbul edib.
