Əmək Müfəttişliyi Xidməti 2017-yə nöqtə qoydu
Əmək və Əhalinin Sosial Müdafiəsi Nazirliyi bildirir ki, Dövlət Əmək Müfəttişliyi Xidmətinin vətəndaş müraciətlərinə əsasında gördüyü tədbirlərlə 2017-ci ildə işəgötürənlərin gecikdirdiyi 103 min 334 manat məbləğində sosial xarakterli ödənişlərin işçilərə ödənməsi təmin olunub. Həmin vəsaitin 91,6 faizi əmək haqları, 5,5 faizi sosial müavinət və kompensasiyalar, qalan hissəsi zərərə görə ödənclərdir.
Rəsmi hesabata əsasən, vətəndaş müraciətlərinin araşdırılması zamanı qanunvericiliyin tələblərinə zidd şəkildə işdən çıxarıldığı müəyyən olunan 12 nəfər iş yerlərinə bərpa etdirilib.
