İlin ilk hərracında qiymət nə qədər artdı?
Əmlak Məsələləri Dövlət Komitəsi yanvarın 9-da 2018-ci ilin ilk hərracını keçirib. Novator.az rəsmi məlumata əsasən bildirir ki, hərracda 4 kiçik dövlət müəssisə və obyekti, 15 qeyri-yaşayış sahəsi, 2 nəqliyyat vasitəsi sahibini tapıb.
Bakı şəhəri üzrə 15 istifadəsiz qeyri-yaşayış sahəsi və 2 nəqliyyat vasitəsi, digər şəhər və rayonlar üzrə 4 kiçik dövlət müəssisəsi özəlləşdirilib.
Rəsmi məlumata görə, hərrac rəqabətli keçib. Paytaxtın Nərimanov rayonunda yerləşən qeyri-yaşayış sahəsi ilkin olaraq 15 min manata təklif edilsə də, 31 min 150 manata satılıb. Həmin rayonda digər qeyri-yaşayış sahəsinin start qiyməti 14 min manat olub və əmlak 32 min manata sahibini tapıb.
