Dollar devalvasiya dövründə (Üç ilin kursları)
Bir aya yaxındır Mərkəzi Bank ABŞ dollarının kursunu sabit saxlayır. Dolların rəsmi qiyməti 2017-ci il dekabrın 13-dən 1,7001 manatdır. Novator.az bildirir ki, bu, manatın devalvasiyaya uğradığı 21 fevral 2015-ci ildən bəri ən davamlı rəsmi məzənnədir (İlk devalvasiyadan sonrakı bütün rəsmi kurslar).
2015-ci il fevralın 20-də dollar banklara 0,7862 manata satılıb. Bir gün sonra Mərkəzi Bank kəskin kurs dəyişikliyinə qərar verib və rəsmi qiymət 1,05 manata yüksəlib.
2015-ci ilin martı 1,0496, apreli 1,0485, mayı 1,0482, iyunu 1,0494, iyulu 1,0485, avqustu 1,0493, sentyabrı 1,0479, oktyabrı 1,0485, noyabrı 1,0491, dekabrı 1,0513 manatla start götürüb.
Dekabrın 21-də ikinci devalvasiya baş verib, rəsmi kurs 1,55 manata qalxıb.
2016-cı il 1,5610 manatla başlayıb, 1,7707 manatla sona çatıb.
2017-ci ildə dollar 7,06 qəpik ucuzlaşıb. İl ərzində ən aşağı qiymət 6-13 dekabr arası qeydə alınıb: 1,7 manat. Ən yuxarı rəsmi qiymət fevralda olub: 1,92 manat. Bu həm də ilk devalvasiyadan bəri qeydə alınan ən yüksək göstəricidir.
