Vərəm xəstəliyinə tutulma dinamikası necə dəyişib?
Azərbaycanda vərəm xəstəliyinə tutulma dinamikası dəyişib. Səhiyyə Nazirliyi bildirir ki, 2010-cu ildə hər 100 min nəfərə xəstələnmə göstəricisi 53 nəfər olub, hazırda göstərici 39-a enib. İlkin aşkar olunan vərəm hallarının sayı 21 faizə qədər azalıb.
Rəsmi məlumata görə, 2010-cu ildə 100 min əhaliyə ölüm göstəricisi 7,9 nəfər təşkil edib, ötən il həmin göstərici 4,6 olub. Vərəmin gecikmiş və yayılmış formalarının sayına gəldikdə, 2010-cu illə müqayisədə xəstələrin sayı 2 dəfə azalıb: 7,6 faizdən 3,4 faizə enib.
