İranda ingilis dilinə qadağa
İranın ibtidai məktəblərində ingilis dilinin tədrisi qadağan edilib. Novator.az-ın məlumatına görə, qərarı açıqlayan Ali Təhsil Şurasının sədri Mehdi Nəvid Ədhəm deyib ki, dövlət və qeyri-dövlət ibtidai məktəblərinin rəsmi tədris proqramlarına ingilis dili fənninin salınması qanunlara və qaydaya ziddir.
Ali dini lider Əli Xamneyi hesab edir ki, ingilis dilinin tədrisi Qərbin İrana mədəni müdaxiləsi üçün yol açır.
Qərarın ölkədəki son gərginlik fonunda çıxarıldığı bildirilir. 2017-ci il dekabrın 28-dən İranın 100-dən çox şəhərində hakimiyyətə qarşı keçirilən kütləvi etirazlarda 25 nəfər ölüb, 1800-dən çox insan həbs edilib.
Səidə Hüseynova
