Bankların nə qədər pulu var?
Maliyyə Bazarlarına Nəzarət Palatası yeni göstəricilər açıqlayıb. Hesabata görə, 30 noyabr 2017-ci ilə Azərbaycanda fəaliyyət göstərən bankların cəmi aktivləri 26 milyard 393,9 milyon manat, cəmi öhdəlikləri isə 23 milyard 255 milyon manat olub.
Əhalinin əmanətləri 7 milyard 346,6 milyon manat göstərilir.
Fəaliyyət göstərən 31 bankın 547 filialı, 142 şöbəsi var. Bütövlükdə, bank sektorunun işçi heyəti 16629 nəfər təşkil edib.
Novator.az xatırladır ki, Maliyyə Bazarlarına Nəzarət Palatasının 22 dekabr 2017-ci il qərarı ilə “Dəmirbank” ASC-nin lisenziyası ləğv edilib. Bununla bankların sayı 30-a düşüb.
