Neft büdcə qiymətindən nə qədər baha satılır?
Azərbaycan nefti yenə bahalaşıb. AZƏRTAC-ın 5 yanvar məlumatına görə, “AzəriLayt” markalı neftin bir barrelinin qiyməti 70,54 dollara yüksəlib.
London birjasında “Brent” markalı neftin bir barreli 68,01 dollara, Nyu-York birjasında “Layt” markalı neftin bir barreli 61,95 dollara satılır.
Azərbaycanın 2018-ci il büdcəsində neftin qiyməti 45 dollar hesablanıb.
Novator.az-ın məlumatına görə, “AzəriLayt” ötən il yanvarın 5-də 55,97 dollara təklif olunub. 2016-cı il yanvarın əvvəlində “AzəriLayt”a 37,64 dollar, 2015-ci il yanvarın ilk günlərində 57,34 dollar, 2014-cü ilin eyni dövründə 110,11 dollar verilib.
