Nazirliyə müraciət statistikası
Əmək və Əhalinin Sosial Müdafiəsi Nazirliyinin 142 və 190 çağrı mərkəzləri 2017-ci ilin dekabr ayında 17362 müraciəti cavablandırıb. Müraciətlər sosial təminat, əlilliyin müəyyən edilməsi və tibbi-sosial reabilitasiya, məşğulluğun təminatı, əmək qanunvericiliyinə əməl olunması, sığorta-pensiya sistemi, bu sahələr üzrə elektron xidmətlərdən istifadə və s. məsələləri əhatə edib. Ümumi müraciətlərin 96,4 faizi sorğu xarakterli olub. Digər müraciətlərdə ifadə olunan məsələlər nazirliyin aidiyyəti struktur bölmələrində araşdırılıb.
Ümumilikdə son bir ildə 142 və 190 çağrı mərkəzlərində 151,9 minə yaxın müraciət cavablandırılıb.
