Əmək və sosial müdafiə: xidmətlərə 9,3 milyon müraciət olub
Əmək və Əhalinin Sosial Müdafiəsi Nazirliyi elektron xidmət hesabatı yayıb. Qeyd olunur ki, 2017-ci ildə e-xidmətlərə əvvəlki illə müqayisədə 42,6 faiz çox olmaqla 9 milyon 340 min 808 dəfə müraciət edilib və bu göstərici ilə Əmək və Əhalinin Sosial Müdafiəsi Nazirliyi “Elektron hökumət” portalında e-xidmətlərinə ən çox müraciət edilən qurum olub. Ötən il portala müraciətlərin 40,6 faizini məhz əmək və sosial müdafiə sahələri üzrə e-xidmətlərə yönələn müraciətlər təşkil edib.
2017-ci ildə nazirliyin “Məcburi dövlət sosial sığortası üzrə hesabatların təqdim edilməsi” e-xidmətinə 1 053 700 dəfə, “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidmətinə 2 825 065 dəfə, “Əmək qabiliyyətinin müvəqqəti itirilməsinə görə müavinətlə bağlı haqq-hesab cədvəlinin təqdim edilməsi” e-xidmətinə 526 272 dəfə, “Tibbi-sosial ekspert komissiyasında sonuncu müayinəyə dair məlumatın verilməsi” e-xidmətinə 481 915 dəfə, “İş yerinə dair arayış” e-xidmətinə 337 749 dəfə, “Uşağın üç yaşı tamam olanadək ona qulluq etməyə görə müavinətlə bağlı haqq-hesab cədvəlinin təqdim edilməsi” e-xidmətinə 297 939 dəfə, “Sığortaolunanın onlayn uçota alınması” e-xidmətinə 256 709 dəfə müraciət olunub.
Ümumilikdə Əmək və Əhalinin Sosial Müdafiəsi Nazirliyinin 30-a yaxın elektron xidməti vətəndaşların istifadəsindədir.
