Silahlı Qüvvələrə Yardım Fondunun vəsaiti nə qədər artıb?
1 yanvar 2018-ci ilə Silahlı Qüvvələrə Yardım Fonduna 88 milyon 8,9 min manat, 212,9 min ABŞ dolları, 9,5 min avro və 5 min rubl vəsait daxil olub. Xəbəri Müdafiə Nazirliyi yayıb.
Novator.az-ın məlumatına görə, son bir ildə ən çox artım manat hesabında (8,8 milyon) qeydə alınıb. 1 yanvar 2017-ci ilədək fonda 79,2 milyon manat, 212,4 min ABŞ dolları, 6 minə yaxın avro və 5 min rubl yığılmışdı.
Silahlı Qüvvələrə Yardım Fondu 2002-ci ildə yaradılıb. Fondun maliyyə mənbəyi Azərbaycanın ərazisində fəaliyyət göstərən hüquqi və fiziki şəxslərdən könüllülük əsasında daxil olan maliyyə vəsaiti və qanunvericiliklə qadağan olunmamış digər daxilolmalardır.
