Ermənistanda illik inflyasiya 0,8%-dir
Ermənistanın iqtisadi göstəriciləri açıqlanıb. Novator.az-ın məlumatına görə, Milli Statistika Xidməti 2017-ci ilin yanvar-noyabr aylarında ölkə iqtisadiyyatının 2016-cı ilin 11 ayı ilə müqayisədə 7,3% yüksəldiyini bəyan edib. Artımın əsasən ticarət, xidmət sahələri və sənaye məhsulu istehsalı hesabına əldə olunduğu bildirilir.
Daxili ticarət dövriyyəsinin 14,4%, xidmət sektorunun 14,2%, sənaye məhsulu istehsalının 12,3%, tikinti sahəsinin 0,3% böyüdüyü xəbər verilir.
Kənd təsərrüfatı məhsulunun istehsalında isə 3,9% tənəzzül qeydə alınıb.
Milli Statistika Xidmətinin hesabatına əsasən, Ermənistanın xarici ticarət dövriyyəsi 2017-ci ilin 11 ayında 2016-cı ilin eyni dövrünün göstəricisini 26,4% qabaqlayıb.
11 ayda ölkədə 0,8% inflyasiya gedib.
Novator.az xatırladır ki, 2017-ci ilin 11 ayında Azərbaycan iqtisadiyyatı 0,2% kiçilib.
2016-cı ilin 11 ayı ilə müqayisədə sənaye istehsalı 3,8% düşüb, kənd təsərrüfatı məhsulu 4,2% artıb.
Daxili ticarətdə 2,3%, xidmət sektorunda 1% yüksəliş qeydə alınıb, 13,4% inflyasiya gedib.
