Çempionatlar yeni ilə necə adlayıb?
İngiltərə milli futbol çempionatında 22-ci tur geridə qalıb. Novator.az-ın məlumatına görə, “Mançester Siti” 62 xalla liderdir, ən yaxın izləyicini 15 xal qabaqlayır.
İkinci pillədə dayanan “Mançester Yunayted”in 47 xalı var, onu 46 xalla “Çelsi” təqib edir. Dördüncü yerdə qərarlaşan “Liverpul” 44 yığıb.
İtaliya çempionatında 19 turdan sonra 48 xalla “Napoli” öndə durur. Lideri izləyən “Yuventus” 47 xal yığıb.
“İnter” 41 xalla üçüncü pillədə qərarlaşır. Bir oyun az keçirən “Roma”nın 39 xalı var.
Portuqaliya çempionatında 16 oyuna 42 xal toplayan “Portu” başçılıq edir.
İspaniya çempionatı bu həftə tətildən qayıdır. 17 turdan sonra “Barselona” 45 xalla birinci pillədə dayanır. “Atletiko”nun 36, “Valensiya”nın 34 xalı var. Ehtiyatda bir oyunu olan “Real” 31 xal toplayıb.
Fransada (19 turdan sonra PSJ 50 xalla zirvədədir), Almaniyada (17 turdan sonra “Bavariya” 41 xalla önə çıxıb) tətil gələn həftə bitəcək.
