2018-ci ilin ilk məzənnələri
Mərkəzi Bank 2018-ci ilin ilk məzənnələrini açıqlayıb. Novator.az-ın məlumatına görə, yanvarın 4-də ABŞ dolları 1,7001 manata təklif olunur. Bu rəsmi məzənnə 2017-ci il dekabrın 13-dən qüvvədədir.
Türk lirəsinin banklara satış qiyməti 0,4495 manata enib.
Digər valyutalar isə bahalaşıb. Avro 2,0431 manata, gürcü larisi 0,6601 manata, Rusiya rublu 0,0297 manata yüksəlib (Məzənnələr).
Novator.az xatırladır ki, 2017-ci ildə ABŞ dollarının rəsmi məzənnəsi 7,06 qəpik düşüb. Ötən il dollar 1,7707 manatla start götürüb, 12 ayı 1,7001 manatla başa vurub.
İl ərzində ən aşağı rəsmi qiymət 1,7 manat, ən yuxarı rəsmi qiymət 1,92 manat olub.
