Neft Fondunun 2018-ci il büdcəsi
Prezident İlham Əliyev fərman imzalayaraq Dövlət Neft Fondunun 2018-ci il büdcəsini təsdiqləyib. Novator.az-ın məlumatına görə, gəlir proqnozu 11 milyard 559 milyon 956,2 min manat, xərc proqnozu 9 milyard 730 milyon 221,8 min manat məbləğində rəsmiləşib.
Gəlirdə əsas mənbə ölkənin payına düşən karbohidrogenlərin satışıdır. Bu istiqamətdən 9 milyard 723 milyon 786,1 min manat xalis gəlir gözlənir.
Xərc istiqamətləri isə belə sıralanır: Azərbaycan Respublikasının 2018-ci il büdcəsinə transfert – 9 milyard 216 milyon manat; qaçqınların və məcburi köçkünlərin sosial-məişət və məskunlaşma məsələləri ilə bağlı bəzi tədbirlərin maliyyələşdirilməsi – 200 milyon manat; Bakı-Tbilisi-Qars yeni dəmir yolu layihəsinin maliyyələşdirilməsi – 176 milyon 128 min manat; Samur-Abşeron suvarma sisteminin yenidən qurulması layihəsinin maliyyələşdirilməsi – 90 milyon manat; Azərbaycan gənclərinin xarici ölkələrdə təhsili üzrə dövlət proqramının maliyyələşdirilməsi – 16 milyon 218 min manat.
Dövlət Neft Fondunun idarə edilməsi ilə bağlı xərclər 31 milyon 875,8 min manat göstərilir.
Prezident Nazirlər Kabinetinə 2018-ci il iyulun 1-dək Dövlət Neft Fondunun saxlanma xərclərinin və aktivlərinin idarə edilməsində səmərəliliyin qiymətləndirilməsinə dair audit keçirməyi etməyi tapşırıb.
Dövlət Neft Fondunun 2018-ci ildə idarə edilməsi ilə bağlı xərclər smetası
