Nazir hospitala baş çəkib
Cəbhə zonasında səfərdə olarkən mobil səhra hospitalın kollektivi ilə görüşən müdafiə naziri general-polkovnik Zakir Həsənov dekabrın 28-də Silahlı Qüvvələrin Baş Klinik Hospitalına da baş çəkib.
Rəsmi məlumata görə, müdafiə naziri hospitalda müalicə olunan hərbi qulluqçularla görüşərək onların səhhəti ilə maraqlanıb və tezliklə sağalaraq xidmət yerlərinə qayıtmalarını arzu edib.
Tibb heyəti ilə görüşən Zakir Həsənov onlara Silahlı Qüvvələrin ali baş komandanı İlham Əliyevin təbriklərini çatdırıb.
Hərbi qulluqçulara dövlət başçısı adından bayram sovqatları təqdim olunub.
