Naxçıvanda nə qədər məhsul istehsal olunur?
2017-ci ildə Naxçıvan Muxtar Respublikasında Sahibkarlığa Kömək Fondu 20 layihənin maliyyələşdirilməsinə 1 milyon 879 min 700 manat güzəştli kredit ayırıb. AZƏRTAC xəbər verir ki, kənd təsərrüfatı yönümlü 15 layihəyə 303 min 700 manat, sənaye yönümlü 3 layihəyə 1 milyon 105 min manat, xidmət sahəsinin inkişafı yönümlü 2 layihəyə 471 min manat yönəldilib.
Fondun vəsaiti və özəl investisiya hesabına bu il 38 layihə üzrə 600-dən çox yeni iş yeri açılıb.
Hesabata görə, muxtar respublikada fəaliyyət göstərən istehsal müəssisələrində 121 növdə 555 çeşiddə ərzaq, 247 növdə 845 çeşiddə qeyri-ərzaq məhsulu istehsal edilir. Ümumilikdə 344 növdə məhsula olan tələbat tamamilə yerli istehsal hesabına ödənir.
