Məşğulluq Xidmətindən yeni rəqəmlər
Əmək və Əhalinin Sosial Müdafiəsi Nazirliyi bildirir ki, 2017-ci ildə Dövlət Məşğulluq Xidməti 57 rayon və şəhərdə əmək yarmarkaları təşkil edib. Tədbirlərdə boş (vakant) iş yerləri təklif olunub, 4 min nəfərə yaxın şəxsə göndərişlər verilib. Əmək yarmarkalarında göndəriş alan şəxslərdən 88 faizi işlə təmin edilib.
Bu il Dövlət Məşğulluq Xidməti Bakı, Gəncə, Sumqayıt, Lənkəran, Mingəçevir şəhərlərindəki ümumilikdə 10 ali təhsil müəssisəsində tələbə və məzunların əmək bazarına çıxışının dəstəklənməsi məqsədilə “Karyerada ilk addım” devizi altında aktiv məşğulluq tədbirləri keçirib.
Ümumilikdə bu ilin 11 ayında Dövlət Məşğulluq Xidməti 46 min 48 nəfər şəxsi münasib işlərlə, 1143 nəfər şəxsi isə haqqı ödənilən ictimai işlərlə təmin edib.
