İşğalçı rejim turizm statistikası açıqlayıb
2017-ci ilin yanvar-oktyabr aylarında Dağlıq Qarabağı 23 min xarici turist ziyarət edib. Novator.az-ın məlumatına görə, bunu işğalçı Dağlıq Qarabağ rejiminin “Mədəniyyət, Gənclər və Turizm Nazirliyi” bəyan edib. İddiaya əsasən, 2016-cı illə müqayisədə Dağlıq Qarabağa səfər edən xarici turistlərin sayı 41% artıb.
Bölgədə 50 mehmanxana təsərrüfatının olduğu bildirilir.
Azərbaycanın Dağlıq Qarabağ bölgəsi (Xankəndi şəhəri, Ağdərə, Xocalı, Xocavənd, Şuşa rayonları), eləcə də ətraf 7 rayon Ermənistanın işğalı altındadır.
Erməni mənbələri zaman-zaman işğaldakı Azərbaycan ərazilərinə səfər statistikası yayır. İddialara görə, 2012-ci ildə işğal zonasına 15,5 min nəfər, 2013-cü ildə 16,3 min nəfər, 2014-cü ildə 13 min nəfər, 2015-ci ildə 16,5 min nəfər, 2016-cı ildə 16,3 min nəfər səyahət edib.
