Corc Vea yenə seçkini uddu
Dekabrın 26-sı Afrika ölkəsi Liberiyada prezident seçkisinin ikinci turu keçirilib. Novator.az-ın məlumatına görə, oktyabrın 10-da keçirilmiş ilk turda veteran futbolçu Corc Vea əsas rəqibi olan vitse-prezident Cozef Bokayanı qabaqlamış, amma üçüncü yeri tutan namizəd Ali Məhkəməyə şikayət etdiyindən qələbəni rəsmiləşdirmək mümkün olmamışdı.
26 dekabr seçkisində Cozef Bokaya ilə yarışan Corc Vea yenidən qalib gələrək Liberiya prezidenti seçilib.
Corc Vea 1966-cı il oktyabrın 1-də anadan olub. Futbolçu karyerasının böyük hissəsini Avropada keçirən liberiyalı “Monako”, PSJ, “Milan”, “Çelsi”, “Mançester Siti, “Marsel” klublarında oynayıb.
1995-ci ildə Avropanın ən yaxşı futbolçusu seçilərək “Qızıl top” mükafatına layiq görülüb. Uzun illər Liberiya milli komandasının formasını geyinib.
Corc Vea futbolçu karyerasını bitirdikdən sonra ictimai-siyasi fəaliyyətlə məşğul olur.
