Çempionatlarda durum
İngiltərə milli futbol çempionatında 20-ci tur start götürüb. Novator.az-ın məlumatına görə, yaxın izləyicilərindən bir oyun az keçirən “Mançester Siti” 55 xalla şəriksiz liderdir. İkinci pillədə dayanan “Mançester Yunayted”in 43 xalı var, onu 42 xalla “Çelsi” təqib edir.
İtaliya çempionatında 19-cu tur ərəfəsində 45 xalla “Napoli” öndə durur. Lideri izləyən “Yuventus” 44 xal yığıb. “İnter” 40 xalla üçüncü pillədə qərarlaşır.
İspaniya çempionatı 17 turun ardından tətilə gedib. 45 xal yığan “Barselona” birinci pillədə dayanır. “Atletiko”nun 36, “Valensiya”nın 34 xalı var.
Hollandiya çempionatı tətilə PSV-nin, Türkiyə çempionatı “Başakşəhər”in liderliyi ilə yollanıb.
Nəfəs dərən Portuqaliya çempionatında iki şərikli lider var: “Portu” və “Sportinq”.
Fransada 19 turdan sonra PSJ 50 xalla zirvədədir. “Monako” və “Lion” paytaxt Parisi təmsil edən liderdən 9 xal geridir.
Almaniya çempionatında 17 turluq ilk dövrədən sonra “Bavariya” 41 xalla önə çıxaraq ən yaxın izləyicisini 11 xal qabaqlayır.
