Cəbhə xəttində mükafat
Müdafiə naziri general-polkovnik Zakir Həsənov cəbhə zonasındakı bölmələrə baş çəkib. Mod.gov.az-ın 26 dekabr məlumatına görə, nazir üzbəüz düşmən mövqelərini müşahidə edib, ön xətdəki vəziyyətlə tanış olub.
Hərbi hissələrdən birində yeni inşa edilən dayaq məntəqəsinin, digərində hərbi texnika üçün nəzərdə tutulmuş avtoparkın açılışını edən nazir hərbi texnikanın döyüşə hazırlıq səviyyəsini yoxlayıb.
Zakir Həsənov xidmətdə fərqlənənləri dövlət başçısı adından mükafatlandırıb.
