11 ayın ov reydləri
Ekologiya və Təbii Sərvətlər Nazirliyi bildirir ki, 2017-ci ilin 11 ayı ərzində keçirilmiş reydlər zamanı qanunsuz ovla məşğul olan 165 vətəndaş saxlanıb, onlardan 145 ov tüfəngi, 601 patron, 69 quş və heyvan götürülüb.
Rəsmi hesabata görə, 131 nəfərə 133793 manat məbləğində cərimə və iddia tətbiq olunub, 34 fakt üzrə təqsirkarların şəxsiyyətlərinin müəyyənləşdirilməsi üçün polis orqanlarına müraciət edilib.
Ayrı-ayrı ictimai-iaşə obyektlərində vəhşi təbiətdən qanunsuz götürülən quş və heyvanların qəfəsdə saxlanması ilə bağlı 17 fakt aşkar edilib. Qanun pozucularının hər biri 500 manat məbləğində cərimə olunub, vəhşi quş və heyvanlar Altıağac Milli Parkının nəzdində fəaliyyət göstərən Vəhşi Təbiətin Bərpası və Reabilitasiyası Mərkəzinə təhvil verilib.
