Nazir cəbhə xəttində
Müdafiə naziri general-polkovnik Zakir Həsənov düşmənlə qarşıdurma xəttindəki mövqelərdə döyüş növbəsi çəkən əsgərlərlə görüşüb. Mod.gov.az-ın 26 dekabr məlumatına görə, əməliyyat şəraiti barədə məruzədən sonra nazir səngərlərdə hərbi qulluqçuların döyüş və mənəvi-psixoloji hazırlığı, sosial-məişət şəraiti ilə maraqlanıb.
Zakir Həsənov ön xətdə xidmət edən hərbçilər üçün yeni inşa edilən əsgər yataqxanasının açılışında iştirak edib və burada yaradılan şəraitlə tanış olub.
Nazir xidmətdə fərqlənənlərə dövlət başçısı adından mükafatlar və bayram hədiyyələri təqdim edib.
Zakir Həsənov daha bir hərbi hissədə əsgərlərlə görüşüb, yeni inşa edilən qərargah binasının və hərbi texnika üçün saxlancların açılışına qatılıb.
