İki ASC bir fondda birləşdi
Prezident İlham Əliyevin imzaladığı fərmanlarla “Azərbaycan İpoteka Fondu” Açıq Səhmdar Cəmiyyəti ilə “Azərbaycan Respublikasının Kredit Zəmanət Fondu” Açıq Səhmdar Cəmiyyəti birləşdirilib.
Yeni qurum Azərbaycan Respublikasının İpoteka və Kredit Zəmanət Fondu adı alıb.
Nizamnaməsinə görə, İpoteka və Kredit Zəmanət Fondu Azərbaycanda əhalinin yaşayış sahəsi ilə uzunmüddətli ipoteka kreditləşməsi vasitəsilə təmin edilməsi mexanizminin yaradılması, ipoteka kreditləşməsinə yerli və xarici maliyyə resurslarının cəlb olunmasına kömək göstərilməsi ilə bağlı işləri yerinə yetirən, habelə sahibkarların müvəkkil banklardan manatla aldıqları kreditlərə təminat verən və həmin kreditlərə hesablanmış faizlərin bir hissəsinə subsidiya verən qeyri-kommersiya hüquqi şəxsidir.
Dövlət başçısının sərəncamı ilə Fəxri Xanhüseyn oğlu Kazımov fondun İdarə Heyətinin sədri təyin edilib. Bu şəxslər isə Himayəçilik Şurasının üzvləri olub:
Sevinc Həsənova – iqtisadiyyat nazirinin müavini
Emin Hüseynov – maliyyə nazirinin müavini
İdris İsayev – əmək və əhalinin sosial müdafiəsi nazirinin müavini
Vadim Xubanov – Mərkəzi Bankı sədrinin müavini
Kamil Heydərov – Prezident Administrasiyasının iqtisadi siyasət və sənaye məsələləri şöbəsinin monetar və fiskal siyasət məsələləri sektorunun müdiri.
