Prezident seçkisinin qrafiki
Novator.az Rusiyada 2018-ci il martın 18-də keçiriləcək prezident seçkisinin qrafikinə nəzər salıb.
Mərkəzi Seçki Komissiyasına müstəqil iddiaçılar 2018-ci il yanvarın 7-dən gec olmayaraq, partiyalı iddiaçılar yanvarın 12-dən gec olmayaraq müraciət edə bilər.
Qeydiyyat üçün müstəqil namizəd 300 min imza (federasiyanın bir subyektindən 7 min 500 imzadan çox olmayaraq), partiyalı namizəd 100 min imza (federasiyanın bir subyektindən 2 min 500 imzadan çox olmayaraq) toplamalıdır.
Parlamentdə təmsil olunan partiyanın namizədi imza yığmaqdan azaddır.
Marafona qatılan namizədlərin sənədləri Mərkəzi Seçki Komissiyasına təqdim etmək müddəti 2017-ci il dekabrın 27-dən 2018-ci il yanvarın 31-dək çəkir. Mərkəzi Seçki Komissiyası qeydiyyat məsələlərini fevralın 10-dək bitirməlidir.
Seçki təşviqatı 2018-ci il fevralın 17-dən martın 16-dək davam edir.
Gediş-gəlişin çətin olduğu uzaq bölgələrdə səsvermə fevralın 25-dən martın 2-dək keçirilir.
Xaricdə yaşayan Rusiya vətəndaşları üçün səsvermə martın 2-də təşkil olunacaq.
Ümumxalq səsverməsi günü martın 18-dir.
Seçkinin nəticəsi martın 29-da bəyan ediləcək və 3 gün ərzində rəsmən dərc olunacaq.
Rusiyada prezident 6 il müddətinə seçilir.
