Vergi orqanlarına müraciət hesabatı
Bu ilin noyabr ayında vergi orqanlarına 8 min 792 müraciət daxil olub. Vergilər Nazirliyi bildirir ki, müraciətlərin 91%-i ərizə, 8,9%-i şikayət, 0,1%-i təklifdir.
Hesabata görə, müraciətlərin 38,7%-i müxtəlif arayışların alınmasını, 33,7%-i kameral vergi yoxlamalarını, 9,6%-i vergi borclarını, 2,8%-i vergidən yayınma, nağd hesablaşmaların aparılması qaydalarının pozulması, qanunsuz sahibkarlıq fəaliyyətini, qalanları isə digər məsələləri əhatə edib.
Müraciətlərin 75,7%-i müsbət həll olunub.
Vergi orqanlarında 496 vətəndaş qəbul edilib.
