Ermənistanın nə qədər ixracı var?
Ermənistanın İqtisadi İnkişaf və İnvestisiya Nazirliyi 2017-ci ilin yanvar-noyabr ayları üzrə ixrac hesabatı yayıb. Novator.az xəbər verir ki, hesabata əsasən, 2017-ci ilin 11 ayı ərzində ixracın həcmi 2016-cı ilin eyni dövrü ilə müqayisədə 23,5% artaraq 2 milyard 13 milyon dollara çatıb.
Ermənistan xaricə əsasən mineral məhsullar, hazır qida məhsulları, qiymətli və yarımqiymətli daşlar, qiymətli metallar və onlardan hazırlanan məmulatlar ixrac edir. 2017-ci ilin 10 ayının məlumatına əsasən, ixracat artımının 54%-ni faydalı qazıntılar təmin edib.
Yanvar-oktyabr aylarında Ermənistandan ixracın 30%-i MDB ölkələrinin, 24,1%-i Avropa İttifaqı ölkələrinin payına düşüb.
Novator.az xatırladır ki, 2017-ci ilin yanvar-noyabr aylarında Azərbaycanın ixracının həcmi 12 milyard 500,9 milyon dollar olub. İxracın 88,67 faizi neft-qaz sektorunu əhatə edib.
Səidə Hüseynova
