Bu il prezident 20 xarici səfər edib
2017-ci ildə prezident İlham Əliyev 20 xarici səfər edib. Novator.az bildirir ki, yanvar ayında dövlət başçısı İsveçrədə olub.
Fevralın səfər qrafiki Belçika, Almaniya və Qətəri əhatə edib. Həmin ayın son günü Pakistana yollanan prezidentin səfəri martın ilk günü bitib.
Martda İlham Əliyev İrana və Fransaya baş çəkib.
May ayında prezident Səudiyyə Ərəbistanına, iyun ayında Polşaya gedib.
İyulda dövlət başçısı Türkiyə, Latviya və Rusiyanı ziyarət edib.
Sentyabr ayında İlham Əliyev Qazaxıstanda və ABŞ-da səfərdə olub.
Oktyabr ayında dövlət başçısı Rusiya, İsveçrə və Türkiyədə səfərdə olub.
Noyabr ayında dövlət başçısı İrana, Belçikaya, dekabr ayında Türkiyəyə səfər edib.
Ölkə daxilində səfərlərə gəlincə, il ərzində prezident Naxçıvana, Saatlıya, Yevlaxa, Şirvan şəhərinə, Balakənə, Zaqatalaya, Qaxa, Göygölə, Samuxa, Gədəbəyə, Şəmkirə, Cəlilabada, Lənkərana, Neftçalaya, Salyana, Qobustana, Şamaxıya, Gəncəyə, Tərtərə, Ağcabədiyə, Sabirabada, Qubaya, Sumqayıta baş çəkib.
