“ASAN xidmət”də 4832 lisenziya verilib
İqtisadiyyat Nazirliyi 2 noyabr 2015-ci ildən dövlət təhlükəsizliyi ilə bağlı hallar istisna olmaqla lisenziya tələb olunan fəaliyyət növləri üzrə lisenziyaları “ASAN xidmət” mərkəzləri vasitəsilə verir. Dekabrın 20-nə olan statistikaya görə, indiyədək 4832 lisenziya verilib. Bunun 2676-sı yeni verilən, 2156-sı müddətsiz lisenziya ilə əvəz edilən lisenziyalardır.
Hesabata əsasən, lisenziya tələb olunan fəaliyyət növlərinin sayı 59-dan 37-yə, icazələrin sayı 4 dəfə azaldılaraq 86-ya endirilib, indiyə kimi verilmiş qüvvədə olan müddətli lisenziyalar və yeni verilən lisenziyalar müddətsiz lisenziya ilə əvəz olunub, lisenziyaların verilməsinə görə ödənilən dövlət rüsumunun məbləğləri təxminən 2 dəfə, regionlar üzrə 4 dəfə azaldılıb, lisenziyaların verilməsi üçün tələb olunan müddət azaldılıb, prosedurlar sadələşdirilib.
