Payızlıq bitkilərin səpini: hesabat
Dövlət Statistika Komitəsi payızlıq bitkilərin səpini barədə hesabat yayıb. Novator.az-ın məlumatına görə, hesabatda qeyd olunur ki, dekabrın 1-nə 2018-ci ilin məhsulu üçün 879040,1 hektar sahədə dən və yaşıl yem üçün payızlıq bitkilər səpilib. Səpilmiş sahənin 98,4 faizini dən üçün payızlıq bitkilər təşkil edib, onun da 584132,1 hektarı buğda, 280383,1 hektarı arpa, 78 hektarı çovdar əkinlərinin payına düşür.
Ən çox buğda bitkisi Şəki şəhəri və Cəlilabad, Şamaxı, Füzuli, Hacıqabul, İsmayıllı, Qobustan rayonlarında, ən çox arpa bitkisi Şəki şəhər və Neftçala, Kürdəmir, Ağsu, Biləsuvar, Hacıqabul, Qobustan rayonlarında səpilib.
Ötən ilin eyni dövrü ilə müqayisədə dən üçün payızlıq bitkilərin səpin sahəsi 7,9 faiz, o cümlədən buğdanın səpin sahəsi 11,5 faiz, arpanın səpin sahəsi 1,3 faiz artıb, çovdarın səpin sahəsi 64,6 faiz azalıb.
