Açıq məkanda reklam qaydası təsdiqlənib
Dövlət başçısı İlham Əliyevin 19 dekabr fərmanı ilə açıq məkanda reklam yerləşdirilməsinə icazə verilməsi və bu sahədə nəzarətin həyata keçirilməsi qaydası; reklam yerləşdirilməsinə icazə verilməsi üçün dövlət rüsumunun məbləği və reklam yayımına görə ödənilən haqqın məbləği təsdiqlənib.
Novator.az bildirir ki, qaydaya görə, açıq məkanda reklam yerləşdirilməsinə icazə verilməsi və bu sahədə nəzarəti Azərbaycan Respublikasının Dövlət Reklam Agentliyi, “İçərişəhər” Dövlət Tarix-Memarlıq və “Qala” Dövlət Tarix-Etnoqrafiya qoruqlarının ərazisinə münasibətdə isə “İçərişəhər” Dövlət Tarix-Memarlıq Qoruğu İdarəsi həyata keçirir.
Açıq məkanda reklam avtomobil yollarının torpaq sahəsində, şəhər, kənd, qəsəbə və digər yaşayış məntəqələrində olan reklam daşıyıcıları üzərində yerləşdirilir. Reklam daşıyıcısı dedikdə reklamın istehlakçıya çatdırılması üçün istifadə olunan daşınmaz və daşınar əmlak, ixtisaslaşdırılmış stasionar və səyyar reklam qurğuları nəzərdə tutulur.
Reklam yerləşdirilməsinə icazə verilməsi və bu sahədə nəzarət
