20-ci orden verildi
Dekabrın 20-də prezident İlham Əliyev xalq rəssamı, heykəltəraş Ömər Eldarova “Heydər Əliyev” ordeni təqdim edib. Ömər Eldarovun dekabrın 21-də 90 yaşı tamam olur. O, “Heydər Əliyev” ordeni alan 20-ci şəxsdir.
Novator.az bildirir ki, 2005-ci ildə təsis olunmuş “Heydər Əliyev” ordenini indiyədək dövlət başçısı İlham Əliyev daxil olmaqla (Azərbaycan prezidentinə orden onun statusuna görə verilir) 19 nəfər almışdı.
“Heydər Əliyev” ordeni alan şəxslərin 13-ü əcnəbi siyasətçidir: Jak Şirak, Viktor Yuşşenko, Şeyx Sabah əl-Əhməd-əl-cabir əs-Sabah, Lex Kaçinski, Valdis Zatlers, Trayan Besesku, Georgi Pırvanov, İmaməli Rəhman, Abdulla Gül, Viktor Yanukoviç, Rəcəb Teyyub Ərdoğan, Aleksandr Lukaşenko, Nursultan Nazarbayev.
“Heydər Əliyev” ordeni ilə təltif olunan digər şəxslər bunlardır: türkiyəli alim İhsan Doğramacı, musiqiçi Mstislav Rostropoviç, rəssam Tahir Salahov, müğənni Zeynəb Xanlarova, birinci vitse-prezident Mehriban Əliyeva.
